Նոյեմբերի 27-ին Երեւանի «Նոա» ֆուտբոլային թիմը հերթական անգամ ոչ -ոքի խաղաց մրցակցի դաշտում՝ հյուրընկալվելով Շոտլանդիայի «Աբերդին» թիմին։
Մինչ առաջին խաղակեսի վերջին րոպեն դաշտում հավասար պայքար էր ընթանում, մեր թիմը ոչնչով չէր զիջում տանտերերին, հաջողությամբ չեզոքացնում մրցակցի բոլոր գրոհները։ Իրոք, մեզ մոտ պաշտպանությունը շատ գրագետ էր ընթանում, մինչդեռ հարձակման գիծն իսպառ մատնված էր անգործության։
Ու երբ թվում էր, թե առաջին կեսը կավարտվի խաղաղ ելքով, «Աբերդինը» բացարձակ ամնեղ իրադրությունում առաջ անցավ հաշվի մեջ։ Առաջին կեսի հիմնական ժամանակի վերջին րոպեին, օգտվելով մեր պաշտպանի կոպիտ սխալից, մրցակցի հարձակվողը կոպտորեն, բայց կանոնների սահմաններում խլեց գնդակը և գոլային փոխանցում կատարեց խաղընկերոջը։
Երկրորդ կեսի սկզբում մեր թիմի մարզիչը փոփոխություն կատարեց հարձակման գծում, ինչն էլ տվեց իր դրական արդյունքը։ Գրգիչին փոխարինած Մատթեուս Այասը սրություն մտցրեց հարձակման գծում։ Նրա փոխանցումից հետո էլ Մուլլահուսեյնովիչը գլխի հարվածով հավասարերցրեց հաշիվը։
Գոլից հետո մեր թիմը, փոխանակ զարգացնելու հաջողությունը, նորից անցավ իներտ, երբեմն էլ՝ անմիտ գործողությունների։ Շատ էին գնդակի անհարկի կորուստներն ու սխալ փոխանցումները։
Բարեբախտաբար, մրցակցին այլեւս այդ խաղում պատահականությունը չժպտաց, ու հանդիպումն ավարտվեց խաղաղ ելքով։
«Նոա»-ն վաստակեց 5 միավոր ու 36 թիմերի մեջ զբաղեցնում է 24-րդ հորիզոնականը։ Հաջորդ խաղում մեր թիմն ուժերը Երեւանում կչափի լեհական «Լեգիա» թիմի հետ։
Խոսրով Խլղաթյան