Գավառ համայնքապետարանի ենթակայությամբ գործող մշակութային ՀՈԱԿ-ների սաները վերջերս մասնակցել են «Հայրենիքն, արվեստն ու ես» հանրապետական մրցույթ- ստուգատեսին և տարբեր անվանակարգերում զբաղեցրել մրցանակային տեղեր։
Գավառի համայնքապետարանի աշխատակազմի տեղեկացմամբ՝ Գավառի Հենրիկ Թալալյանի անվան երաժշտական դպրոցի պկուի եւ դաշնամուրի բաժնի սաներ Արմեն Օհանյանն ու Աննա Սիրականյանը հանրապետական մրցույթ-ստուգատեսից տուն են վերադարձել երկրորդ մրցանակով։ Երկրորդ մրցանակի են արժանացել նաեւ Գավառի Հայրապետ Խաչատրյանի անվան արվեստի դպրոցի դուդուկի բաժնի սան Գոռ Հովհաննիսյանը եւ Նորատուսի արվեստի դպրոցի երգեցողության բաժնի սան Լիլիթ Վարդանյանը։ Երրորդ տեղի մրցանակի են արժանացել Գավառի Գեղարվեստի դպրոցի նկարչության բաժնի սան Էլեն Մինասյանը եւ Նորատուսի արվեստի դպրոցի դուդուկի բաժնի սան Ալեքս Համբարձումյանը։
Մրցանակակիրները մասնակցել են եզրափակիչ փուլին և պարգևատրվել հավաստագրերով։
Գեղամա աշխարհ