Գեղարքունիքի մարզի Վարդենիս համայնքի մարզական աշխարհն անդառնալի կորուստ է կրել։
Վարդենիսի համայնքապետարանի աշխատակազմի տեղեկացմամբ՝ կյանքից անժամանակ հեռացել է ըմբշամարտի մարզիչ Էդիկ Արշակյանը, ով նշանակալի ներդրում է ունեցել Վարդենիսի տարածաշրջանում ազատ ոճի ըմբշամարտի զարգացման, ինչպես նաև բազմաթիվ սաների դաստիարակության գործում։ Նրա սաները մշտապես աչքի են ընկել փայլուն և հաղթական արդյունքներով՝ արժանանալով հանրապետական ու միջազգային մրցանակների։
Իր կյանքի ամբողջ ընթացքում նա ծառայել է ոչ միայն սպորտին, այլ նաև համայնքին՝ առանձնանալով պարտաճանաչությամբ, պատասխանատվությամբ և մարդկային բարձր արժեքներով։
Էդիկ Արշակյանը ծնվել է 1958 թվականին, Վարդենիս քաղաքում։ Միջնակարգ դպրոցն ավարտելուց հետո, 1970 թվականին, ընդունվել է Դիլիջանի ռադիոտեխնիկական տեխնիկում, «տեխնիկ-մետրոլոգ» մասնագիտությունը։
1984 թվականից աշխատել է Մեծ Մասրիկի «Սևան» գյուղական կամավոր մարզական ընկերության մարզադպրոցում՝ որպես ազատ ոճի ըմբշամարտի մարզիչ։
1990-1997 թվականներին աշխատել է Վարդենիսի սպորտկոմիտեին կից մանկապատանեկան մարզադպրոցում։ Միաժամանակ աշխատանքային գործունեություն է ծավալել Վարդենիսի փոստի բաժանմունքում՝ որպես ռադիո ինժեներ, այնուհետև՝ Հայգազարդում՝ տեսուչ, Հայջրմուղում՝ իրացման մասնագետ։
Էդիկ Արշակյանը իսկական օրինակ էր մարդասիրության, հայրենասիրության և մասնագիտական նվիրվածության։
Նրա անունն ու գործն այսուհետ կապրեն սերունդների հիշողության մեջ։
Վարդենիսի համայնքապետարան
Գեղամա աշխարհ թերթ