Գեղարքունիքի մարզում ացկացվող «Թատերական երկամսյակի» շրջանակներում Գավառ քաղաքը հյուրընկալել է Երևանի Խամաճիկների պետական թատրոնի դերասաններին։
Ինչպես տեղեկացրին Գեղարքունիքի մարզպետի աշխատակազմի ԿՄՍ վարչությունից, Խամաճիկների պետական թատրոնի դերասանները հանդես են եկել Հանս Քրիստիան Անդերսենի «Արքայադուստրը սիսեռահատիկի վրա» հեքիաթի բեմադրությամբ, որի ռեժիսորն է Աննա Էլբակյանը։
Արդեն 4-րդ տարին անընդմեջ անցկացվող «Թատերական երկամսյակն» անցկացվում է Գեղարքունիքի մարզպետ Կարեն Սարգսյանի նախաձեռնությամբ և ՀՀ ԿԳՄՍ նախարար Ժաննա Անդրեասյանի աջակցությամբ։ Ծրագրի շրջանակներում այս տարի Գավառում բեմադրվել է հերթական՝ 7-րդ ներկայացումը, որը դիտել են Գեղարքունիքի մարզի տարբեր հանրակրթական դպրոցների կրտսեր տարիքի դպրոցականներ, մանկավարժներ և ծնողներ։
Գեղարքունիքի մարզում անցկացված թատերական երկամսյակին լավագույն մասնակցության համար Երևանի Խամաճիկների պետական թատրոնի անձնակազմը խրախուսվել է ՀՀ Գեղարքունիքի մարզպետ Կարեն Սարգսյանի շնորհակալագրով։
Գեղամա աշխարհ