ՀՀ Կենտրոնական բանկի նածաձեռնությամբ Գեղարքունիքի մարզի Սևան քաղաքի Բիզնես կենտրոնում բացվել է Հայաստանի դրամաշրջանառության պատմությանը նվիրված ցուցահանդեսը։
Ինչպես տեղեկացրին Սևանի համայքնապետարանի աշխատակազմից, այս ցուցահանդեսը ԿԲ դրամագիտական շրջագայության 16-րդ կանգառն է ։
Ցուցահանդեսի բացմանը ներկա ներկ են եղել ՀՀ Կենտրոնական բանկի, ՀՀ Գեղարքունիքի մարզպետի աշխատակազմի, Սևանի համայնքապետարանի պատասխանատու աշխատակիցներ, Սևան համայնքի կրթամշակութային ոլորտի ներկայացուցիչներ։
Ցուցահանդեսի բացմանը ՀՀ օրհներգի կենդանի կատարմամբ հանդես է եկել Սևանի Վալերի Սարգսյանի անվան երաժշտական դպրոցի երգչախումբը, պարային կատարումներով՝ «Սևան» ժողովրդական պարի անսամբլը, գեղեցիկ երգացանկով՝ Սևանի մշակույթի կենտրոնի երգչախումբը։ Ցուցադրությունը բաց կլինի ապրիլի 14-ից 21-ը։
«Ցուցահանդեսը նպատակ ունի ոչ միայն ներկայացնել Հայաստանի դրամաշրջանառության հարուստ պատմությունը, այլև խթանել ֆինանսական կրթությունը՝ պարզ և մատչելի ձևով ներկայացնելով բանկային և ֆինանսական ծառայությունների օգտագործման սկզբունքները։
Ցուցահանդեսն այցելուներին հնարավորություն է տալիս՝ ծանոթանալու պատմական և ժամանակակից մետաղադրամներին, ՀՀ ԿԲ թողարկած դրամական և հուշադրամային հավաքածուներին, ինչպես նաև Կենտրոնական բանկի գործառույթներին ու ֆինանսական համակարգի ծառայություններից օգտվելու կանոններին։
Կենտրոնական բանկը կարևորում է նման նախաձեռնությունները՝ որպես կրթական և մշակութային արժեքների տարածման, ինչպես նաև ֆինանսական իրազեկվածության բարձրացման կարևոր գործիք»,-ներկայացրին Սևանի համայքնապետարանի աշխատակազմից։
Գեղամա աշխարհ