Գեղարքունիքի մարզի Սևան համայնքում արդեն սկսվել և ընթանում են մի շարք փողոցների ասֆալտբետոնյա ծածկույթի փոսային նորոգման և ճաքալցման աշխատանքները:
Ինչպես տեղեկացրին Սևանի համայնքապետարանի աշխատակազմից, գործընթացում ընդգրկված են Սևան քաղաքի մեկ տասնյակից ավելի փողոցների ասֆալտբետոնյա ծածկույթի փոսային նորոգման աշխատանքներ։
Աշխատանքների մեկնարկը տրվել է Խաղաղության փողոցից:
Դրանք ներառում են ասֆալտբետոնե ծածկույթի կտրում, հիմքի իրականացում, բիտումի տարածում, ծածկույթի պատրաստում, դիտահորերի և անձրևընդունիչների ծածկի սալերի ապամոնտաժում և վերատեղադրում, դիտահորերի պատերի բարձրացում, անձրևընդունիչների մաքրում։
Աշխատանքներն ընդգրկում են 5780 քմ ասֆալտապատում և 10780գծմ ճաքալցում։
Ծրագրի պայմանագրային արժեքը 49 միլիոն 440 հազար դրամ է, որն ամբողջությամբ հատկացվելու է համայնքային բյուջեի միջոցներից։
Գեղամա աշխարհ