Դպրոցականների առարկայակայն օլիմպիադայի հանրապետական փուլում Գեղարքունիքի մարզը ձեռք է բերել 12 դիպլոմ և 5 գովասանագիր։
Ինչպես տեղեկացրին Գեղարքունիքի մարզպետի աշխատակազմի ԿՄՍ վարչությունից, առարկայական օլիմպիադայի դպրոցական փուլին Գեղարքունիքի մարզում մասնակցել են հանրակրթական 116 դպրոցների 9596 աշակերտ, որոնցից, 16 առարկաների մասով, մարզային փուլ երաշխավորվել և մասնակցել են 956 աշակերտ։
2026 թվականի փետրվար-ապրիլ ամիսների ընթացքում Գեղարքունիքի մարզից հանրապետական փուլ երաշխավորված 82 աշակերտից օլիմպիադային մասնակցել են 68-ը, առանց ՆԶՊ առարկայի արդյունքների, որի հանրապետական փուլը տեղի կունենա 2026 թվականի ապրիլի 25-26-ին:
Այսպիսով, առարկայական օլիմպիադայի հանրապետական փուլում առաջին կարգի դիպլոմի են արժանացել Մարտունի համայնքի Արծվանիստի միջնակարգ դպրոցի 9-րդ դասարանի աշակերտ Սուսաննա Գվիդոնյանը ՝ «Աշխարհագրություն» առարկայից, Գավառ համայնքի Սարուխանի Հ․1 միջնակարգ դպրոցի 11-րդ դասարանի աշակերտ Աբել Խաչատրյանը՝ «Պատմություն», առարկայից, և Մարտունի համայնքի Ներքին Գետաշենի Հ․1 միջնակարգ դպրոցի 10-րդ դասարանի աշակերտ Խաչիկ Թաթոյանը՝ «Հայ գրականություն» առարկայից։
Երկրորդ կարգի դիպլոմի են արժանացել Մարտունի համայնքի Ներքին Գետաշենի Հ․1 միջնակարգ դպրոցի 10-րդ դասարանի աշակերտ Վալերի Ավետիսյանը՝ «Գերմաներեն» առարկայից, Սևանի Հ․1 հիմնական դպրոցի 9-րդ դասարանի աշակերտներ Մանան Շուշանյանը և Սոֆի Ավետիսյանը, ինչպես նաև Սևան համայնքի Ծովագյուղի միջնակարգ դպրոցի 11-րդ դասարանի աշակերտ Ալվարդ Մովսիսյանը՝ «Հայոց լեզու» առարկայից, Մարտունու Հ․2 հիմնական դպրոցի 9-րդ դասարանի աշակերտ Էլեն Ալեքսանյանը՝ «Աշխարհագրություն» առարկայից։
Երրորդ կարգի դիպլոմի են արժանացել , Ճամբարակ համայնքի Ճամբարակ քաղաքի Հ․2 հիմնական դպրոցի 9-րդ դասարանի աշակերտ Արթուր Հարությունյանը՝ «Աշխարհագրություն» առարկայից, Մարտունու Հ․2 հիմնական դպրոցի 9-րդ դասարանի աշակերտ Արփի Ավետիսյանը , Լիճքի միջնակարգ դպրոցի 11-12-րդ դասարանի աշակերտներ Էլեն Մարտիրոսյանը և Հասմիկ Փալիկյանը՝ «Պատմություն», առարկայից։
Գովասանագրի են արժանացել՝ Սևան համայնքի Գեղամավանի միջնակարգ դպրոցի 9-րդ դասարանի աշակերտ Վիկտորյա Պետրոսյանը՝ «Պատմություն» առարկայից,
Կարմիրգյուղի Հ․2 միջնակարգ դպրոցի 9-րդ դասարանի աշակերտ Ամալյա Գևորգյանը՝ «Հայոց լեզու» առարկայից Լիճքի միջնակարգ դպրոցի 11-րդ դասարանի աշակերտ Սյուզաննա Սարգսյանը՝ «Հայոց լեզու» առարկայից, Գավառի Հ․2 միջնակարգ դպրոցի 11-րդ դասարանի աշակերտ Համեստ Կարապետյանը՝ «Հայ գրականություն» առարկայից , Սևանի Հ․1 հիմնական դպրոցի 9-րդ դասարանի աշակերտ
Նարե Սեդրակյանը՝ «Ռուսաց լեզու» առարկայից։
2026 թվականին տեղի ունեցած դպրոցականների առարկայական օլիմպիադայի եզրափակիչ փուլում հաղթած և դիպլոմներով պարգևատրված աշակերտները կարժանանան անվանական կրթաթոշակի:
Գեղամա աշխարհ