Գեղարքունիքի մարզում շահագործվում են ջերմոցային նոր տնտեսություններ

Գեղարքունիքի մարզի Սևան համայնքի մի շարք բնակավայրերում նախորդ տարվա ընթացքում շահագործվել կամ այս տարվա փետրվարի դրությամբ կառուցման ընթացքի մեջ են մի շարք ջերմոցային տնտեսություններ, ինչի արդյունքում նկատելի զարգացում է ապրում գյուղատնտեսական այս ճյուղը, ստեղծվում են նոր աշխատատատեղեր։

Ինչպես  տեղեկացրին Գեղարքունիքի մարզպետի աշխատակազմի գյուղատնտեսության և բնապահպանության վարչությունից, «Հայաստանի Հանրապետությունում ջերմատնային տնտեսությունների զարգացման աջակցության ծրագրի» շրջանակում  Լճաշեն բնակավայրում «ԳՐԻՆ ՍՈԼՈՒՇՆՍ» ՍՊԸ  կողմից 10.5 հեկտարի վրա կառուցվել է ջերմատուն, որն արդեն իսկ գործում է: Ջերմատանը մշակվում է վարունգ և լոլիկ, ստեղծվել է 130 նոր աշխատատեղ:

Սևան համայնքի Գագարին բնակավայրի հատվածում «ԷԿՈ ՖԱՈՒՆԱ» ՍՊԸ-ի կողմից 4 հեկտարի վրա կառուցվող ջերմատնային տնտեսության աշխատանքներն արդեն շուջ 70 տոկոսով  ավարտված են, որտեղ  նախատեսված է վարդի մշակություն: Ջերմատան շահագործմամբ կստեղծվի 70-80 նոր աշխատատեղ:

Սևան համայնքի Գեղամավան բնակավայրի  տարածքում «ԳԵՎ ՄԻԿ» ՍՊԸ –ի կողմից 5.5 հեկտարի  վրա հիմնված ջերմատունն արդեն իսկ գործում է, որտեղ ստեղծվել է մոտ 150 աշխատատեղ:

Սևան համայնքի Գեղամավան բնակավայրի  տարածքում «ՄՈՒԼՏԻ ՖՈՒՏ»  ՍՊԸ –ի կողմից 2 հեկտարի վրա հիմնված ջերմատունը արդեն գործում է, ստեղծվել է մոտ 50 աշխատատեղ:

Սևան համայնքի Գեղամավան բնակավայրի  տարածքում «ԱԹԱՆԵՍՅԱՆՍ» ՍՊԸ –ի կողմից 2 հեկտարի  վրա կառուցվող ջերմատան աշխատանքներն արդեն ավարտական փուլում են, նախատեսվում է ստեղծել 50 նոր աշխատատեղ:

Պետական աջակցության ընդհանուր չափը վերոնշյալ կազմակերպություններին  կազմել է 736․5 միլիոն  դրամ։

Գեղամա աշխարահ