Գեղարքունիքի մարզի Մարտունի համայնքում ՀՀ ՏԿԵ պատվիրատվությամբ ու պետբյուջեի տրամադրած միջոցներով արդեն ավարտական փուլում են գտնվում Մարտունի-Ներքին Գետաշեն մարզային նշանակության ավտոճանապարհի հիմնանորոգման աշխատանքները։
Ինչպես տեղեկացրին Գեղարքունիքի մարզպետի աշխատակազմի քաղաքաշինության, հողաշինության և ենթակառուցվածքների կառավարման վարչությունից, Մարտունի-Ներքին Գետաշեն ավտոճանապարհի հիմնանորոգման ծրագրի նախահաշվային արժեքը կազմել է 1 միլիարդ 10 միլիոն դրամ, պայմանագրային արժեքը՝ 737 միլիոն 700 հազար դրամ։
Ծրագրով նախատեսված էր Մարտունի-Ներքին Գետաշեն ավտոճանապարհի երթևեկելի մասի հիմնանորոգում՝ 3,4 կիլոմետր երկարությամբ և 35 հազար քառակուսի մետր մակերեսով, երկշերտ ասֆալտբետոնյա ծակի տեղադրմամբ, նույն ճանապարհն իրար կապող Արգիճի գետի կամուրջի հիմնանորոգում, 2 կիլոմետր 300 մետր երկարության ու շուրջ 5000 քառակուսի մետր մակերեսով սալիկապատ մայթերի ու ջրահեռացման համակարգի կառուցում։ Ճանապարհի հիմնանորոգվող մասը սկսվում էր Մարտունի քաղաքի երաժշտական դպրոցի մոտից ու ավարտվում Ներքին Գետաշենի թիվ 2 միջնակարգ դպրոցի դիմացի խաչմերուկում։
Շինարարական աշխատանքները մեկնարկել էին 2025 թվականի հունիսից։ Ծրագիրը նախատեսված էր ավարտի հասցնել 250 օրվա ընթացքում, սակայն մինչ տարեվերջ դրանք ավարտված կլինեն։ Շինարարական աշխատանքներն իրականացրել է «Շանթ-Սեյրան» ՍՊԸ-ն։
Գեղամա աշխարհ