Գեղարքունիքի մարզի Մարտունի համայնքի Ծակքար գյուղում 2025 թվականի հոկտեմբեր ամսից «Հայաստանի տարածքային զարգացման հիմնադրամի» պատվիրատվությամբ մեկնարկել և ընթանում են առողջության առաջնային պահպանման կենտրոնի նոր շենքի կառուցման աշխատանքները։
Գեղարքունիքի մարզպետի աշխատակազմի առողջապահության եւ սոցիալական հարցերի վարչության տեղեկացմամբ՝ Ծակքարի ԱԱՊԿ նոր շենքի կառուցման ծրագրի պայմանագրային արժեքը կազմում է 144 միլիոն դրամ։
2025 թվականի դեկտեմբերի 23-ի դրությամբ արդեն ավարտված են նկուղային ու առաջին հարկերի կառուցման աշխատանքները, այժմ ընթանում է տանիքի կառուցումը։ Շինարարությունն արդեն իրականացված է շուրջ 40 տոկոսով։
Շինաշխատանքները նախատեսվում է ավարտի հասցնել 2026 թվականի ընթացքում։
Դեկտեմբերի 23-ին Գեղարքունիքի մարզպետ Կարեն Սարգսյանը Մարտունի համայնքի ղեկավար Հովհաննես Հովեյանի հետ մշտադիտարկում են իրականացրել Մարտունի համայնքի Ծակքար գյուղի ԱԱՊԿ նորակառույց շենքի շինհրապարակում։
Գեղամա աշխարհ