Գեղարքունիքի մարզի Գավառ համայնքի Նորատուս գյուղի թիվ 1 միջնակարգ դպրոցի աշակերտներ Լեո Հովսեփյանը եւ Դավիթ Ստեփանյանը փայլուն հաղթանակներ են գրանցել «ԱԲԱԿ 2025» մենթալ թվաբանության ամենամյա համահայկական օլիմպիադայի մրցումներում։
Նորատուսի թիվ 1 միջնակարգ դպրոցի տնօրեն Վարդ Ավետիսյանի տեղեկացմամբ՝ 1-ին «Ա» դասարանի աշակերտ Լեո Հովսեփյանը «ԱԲԱԿ 2025» մենթալ թվաբանության ամենամյա համահայկական օլիմպիադայում ստացել «սուպեր չեմպիոն» տիտղոսը։ Իսկ դպրոցի 2-րդ «Ա» դասարանի աշակերտ Դավիթ Ստեփանյանը գրավել է 1-ին հորիզոնականը։ «Այս հաղթանակները խոսում են ոչ միայն մեր աշակերտների տաղանդի, այլ նաեւ մանկավարժների ջանադիր աշխատանքի մասին։ Նման հաղթանակները ոգեւորում են անչափ ու պարտավորեցնում՝ շարունակել նպատակամղված, արդյունավետ ուսուցումը։ Հպարտանում ենք մեր սիրելի փոքրիկներով»,-նշեց դպրոցի տնօրենը։
«Գեղամա աշխարհ»