Գեղարքունիքի մարզի Գավառ համայնքի Գեղարքունիք գյուղում անցկացվել է «Կարտոֆեստ» փառատոնը։
Ինչպես տեղեկացրին Գավառի համայնքապետարանի աշխատակազմից, կարտոֆիլի բերքահավաքին նվիրված ավանդական փառատոնն ուղեկցվել է համայնքի տնտեսվարողների և գյուղատնտեսների արտադրանքի ցուցադրություն-վաճառքով, համայնքային ոչ առևտրային կազմակերպությունների կողմից կարտոֆիլից պատրաստված կերակրատեսակների և բազմաբնույթ այլ պարագաների ցուցադրությամբ ու հյուրասիրությամբ, փռի կարտոֆիլի պատրաստմամբ ու հյուրասիրությամբ, ազգային երգն ու պարով։
Փառատոնին մասնակցել են Գեղարքունիքի մարզպետ Կարեն Սարգսյանը, Գավառ համայնքի ղեկավար Գուրգեն Մարտիրոսյանը, համայնքի բնակիչներ, հյուրեր և զբոսաշրջիկներ։
Փառատոնն անցկացվել է Գավառի համայնքապետարանի ֆինանսավորմամբ և «Սարվոր» զբոսաշրջային, սոցիալ-կրթական, բնապահպանական հասարակական կազմակերպության աջակցությամբ։
Գեղարքունիքցի ակտիվ երիտասարդ Մկրտիչ Հակոբյանի առաջարկով և նախաձեռնությամբ «Կարտոֆեսթն» այս տարի անցկացվել է Գեղարքունիքում՝ նպաստելով բնակավայրի ճանաչելիության բարձրացմանը, տեղական արտադրանքի հանրահռչակմանը և բնակավայրի կյանքի աշխուժացմանը։
Գեղամա աշխարհ