Գեղարքունիքի մարզի տնտեսություններում 2025 թվականի նոյեմբերի 20-ի դրությամբ կատարվել է 13 հազար 365,2 հեկտար աշնանացան ցորենի ցանք։
Ինչպես տեղեկացրին Գեղարքունիքի մարզպետի աշխատակազմի գյուղատնտեսության և շրջակա միջավայրի պահպանության վարչությունից, ներկա դրությամբ աշնանացանի ծավալները Գեղարքունիքում ավելի քան 3 հազար հեկտարով գերազանցում են նախորդ տարվա ցուցանիշը։
Կատարված ցանքերի մեծ մասը՝ 9684 հեկտարը, բաժին է ընկնում Վարդենիս համայնքի տնտեսություններին։ Գավառ համայնքում կատարվել է 1578, Սևան համայնքում՝ 665, Մարտունի համայնքում՝ 979,2, Ճամբարակ համայնքում՝ 459 հեկտար աշնանացան ցորենի ցանք։
13 հազար 365,2 հեկտար ցանքերից 8310 հեկտարը ցանվել է պետության կողմից հավաստագրված սերմերով, ՀՀ կառավարութհան կողմից իրականացվող «Բուսաբուծության աջակցության ծրագրի» շրջանակներում։
-Ծրագրին դիմած շահառուների քանակն անցնում է 1200 -ը։ Իսկ աշնանացանի ծավալների ավելացումը հիմնականում կապված է «Բուսաբուծության աջակցության ծրագրի» ներդրման հետ, ինչ շահագրգռել է բազմաթիվ տնտեսությունների։ Հավելեմ , որ ծրագրին դիմելու դեպքում շահառուն կատարված 1 հեկտար ցանքի համար ստանալու է 80 հազար դրամի փոխհատուցում։ Վարդենիս համայնքի Մեծ Մասրիկ գյուղի մի տնտեսությունում էլ փորձնական կարգով կտարվել է 1 հեկտար աշնանացան գարու ցանք,-ներկայացրին Գեղարքունիքի մարզպետի աշխատակազմի գյուղատնտեսության և շրջակա միջավայրի պահպանության վարչությունից։
Գեղամա աշխարհ