Նոյեմբերի 18-ին կայացել է Գեղարքունիքի մարզի Սևան համայնքի ավագանու 8-րդ նստաշրջանի 3-րդ նիստը, որը վարել է Սևան համայնքի ղեկավար Սարգիս Մուրադյանը։
օրակարգային հարցերը հաստատելուց հետո Սևանի համայնքապետարանի աշխատակազմի բաժինների պատասխանատուները քննարկման ներկայացված հարցերի շուրջ հանդես են եկել զեկուցումներով:
Սևան համայնքի ավագանին համապատասխան որոշումներով սահմանել և հաստատել է Սևան համայնքի կողմից մատուցվող ծառայությունների դիմաց գանձվող վճարների՝ 2026 թվականի դրույքաչափերը և Սևան համայնքում 2026 թվականի համար տեղական տուրքերը և դրույքաչափերը:
Նախնական համաձայնություններ են տրվել 2025 թվականի հոկտեմբեր ամսին Սևան համայնքում կայացած հանրային 1-ին լսումների ներկայացված մի շարք հարցերի հաշվետվությունններին:
Սևան համայնքի ավագանին 13 կողմ 2 դեմ ձայնով հաստատել է Հայաստանի Հանրապետության Սևանա լճի ջրհավաք ավազանի առափնյա հատվածների քաղաքաշինական գոտևորման նախագծի տեխնիկական առաջադրանքը:
Համայնքի ավագանու որոշումներով ուժը կորցրած են ճանաչվել մի շարք որոշումներ, որոնք վերաբերում էին Սևան համայնքի և միավորված համայնքի կազմում ընդգրկված բնակավայրերում (նախկին համայնքների) ավագանու կողմից հաստատված գլխավոր հատակագծերին:
Ավագանու անդամների քննարկմանն էին ներկայացվել նաև ֆիզիկական անձանց կողմից հասցեագրված դիմումները, որոնց մի մասը ստացել է սպառիչ պատասխան որոշումների տեսքով, իսկ մի քանի դիմում լրացուցիչ կքննարկվեն խմբակցությունների կողմից:
Ամփոփիչ ելույթով հանդես է եկել համայնքի ղեկավար Սարգիս Մուրադյանը՝ անդրադառնալով համայնքում ընթացող սուբվենցիոն ծրագերի կատարման, աղբահանության ծառայությունների և դրանց դիմաց կատարվող վճարումների ընթացքին, բազմահարկ շենքերի աղբամուղների փակման գործընթացին, Սևան համայնքի 2026 թվականի բյուջեի նախագծի քննարկումներին:
Գեղամա աշխարհ